Եփութուխ:Արևադարձային ամբրոսիա
| Արևադարձային ամբրոսիա աղցան | |
|---|---|
| Կատեգորիա՝ | Ամերիկյան խոհանոց |
| Ժամ՝ | 5-15 րոպե |
| Դժվարություն՝ | 
|
Արևադարձային ամբրոսիա աղցանը կամ 5-բաժականոց աղցանը թարմացնող և ամառային աղցան է՝ ամերիկյան խոհանոցից: 5-բաժականոց է կոչվում քանի որ ունի 5 բաղադրիչ, որոնցից ամեն մեկից հավասար չափով է ավելացվում աղցանին: Աղցանն ունի թեթև քաղցր ու թթվաշ համ, և օդային կառուցածք:
Բաղադրություն
խմբագրել- 1 բաժակ արքայախնձոր՝ փոքր խորանարդների կտրատած
- 1 բաժակ մանդարին՝ կեղևազրկված ու թաղանթազրկված
- 1 բաժակ կոկոսի քերուկ
- 1 բաժակ մարշմելո (զեֆիրի նման շաքարից պատրաստված օդային քաղցրեղեն)
- 1 բաժակ թթվասեր
Պատրաստման եղանակ
խմբագրել- Արքայախնձորը և մանդարինը քամիչում թողնել, որ ջուրը ամբողջովին գնա:
- Բաղադրամասերը միասին թեթև խառնել:
- Աղցանը դնել սառնարան (նախընտրելի է մի քանի ժամ), որ սառի ու հյութերը ներծծվի մարշմելոյի մեջ:
- Մատուցել սառը՝ խնջույքի կամ փոթլոքի ժամանակ: