Եփութուխ:Բարբարի հաց
 | |
| Ժամ՝ | 2.25 ժամ |
| Դժվարություն՝ | 
|
Բարբարին Իրանում ինչպես նաև Ադրբեջանում տարածված հաց է։ Այն նման է Մատնաքաշին իր տեսքով և համով։
Բաղադրություն
խմբագրել- 5 բաժակ սպիտակ ալյուր
- 2.5 բաժակ ջուր
- 2 թգ աղ
- 2 ճգ ձիթապտղի ձեթ
- մեկ կապոց թթխմոր
- 1 թգ շաքարավազ կամ մեղր
Պատրաստման եղանակ
խմբագրել
- Ջրին ավելացնել ալյուրը և լավ խառնել։ Ապա ավելացնել թթխմորը և շաքարավազը (կամ մեղրը)՝ որպես սնունդ թթխմորի համար, որ աճի։ Լավ խառնել։
- Ավելացնել աղը և ձիթապտղի ձեթը և խմորը լավ հունցել։
- Խմորը երկու ժամ տեղադրել չոր և մութ անկյունում, որ թթխմորը գործի անցնի և խմորը ուռեցնի։
- Երկու ժամից, խմորը մի քիչ հունցել, ապա նարնջի չափ կլոր գունդերի բաժանել։ Ամեն գունդը ձեռքով և ապա գրտնակով բացել՝ հացի տեսքով և մոտ 1.5-2 սմ հաստությամբ։ Մատերը բացված խմորի վրա և խմորի երկարությամբ քաշելով՝ ստեղծել ոչ շատ խորը ակոսներ՝ հացի տեսքի համար։
- Ջեռոցը տաքացնել մինչև ամենավերին աստիճան՝ 500 ֆարենհայտ կամ 250 սելցիուս։
- Հացերը տեղադրել ջեռոցի մեջ և եփել 10 րոպե կամ մինչ երեսը կարմրի և եփվի։ Բարբարու գաղտնիքն այն է, որ եփելու ժամանակ պիտի ջեռոցի դուռը բացել և խոհարարության վրձինով ջուր քսել հացի երեսի վրա, որ չչորանա։ 10 րոպեում դա կարելի է կրկնել 2 անգամ։ Այլընտրանքային տարբերակն այն է, որ եփելիս մի մատուցարան ջրով լցնել և տեղադրել հացերի ներքևի հարկում, որպեսզի շարունակ գոլորշիանա և հացերը խոնավ պահի։